Телефон: 02 000 0000

contact@skopskiupravitel.mkПон–пет 08–18Најава за станари

← Сите совети

Како да го смените управителот на зградата

Чекор по чекор: од првиот разговор со соседите до примопредавањето на фондот.

Ако не сте задоволни од управителот на зградата, не мора да чекате да истече договорот. Законот за домување им дава право на сопствениците сами да одлучат кој ќе се грижи за заедничките делови.

1. Разговарајте со соседите

Најчесто доволни се неколку разговори во влезот. Запишете што не функционира: чистењето, лифтот, пресметките или одговорите на пријави. Тоа ќе ви треба на собирот.

2. Побарајте понуда

Побарајте бесплатен преглед од нов управител. Добрата понуда кажува точно што е вклучено, колку чини по стан и како ќе се гледаат трошоците секој месец.

3. Соберете потписи

За промена на управител потребна е согласност од мнозинството сопственици. Ние подготвуваме образец за потписи и доаѓаме на собирот со вас.

4. Договор и примопредавање

По одлуката се потпишува договор со новиот управител. Стариот управител е должен да ги префрли средствата од фондовите и документацијата. Побарајте записник со салдата — тоа е првиот документ што треба да го видите.

Совет: прашајте го новиот управител каде ќе ги гледате фактурите. Ако одговорот е „кај нас во канцеларија“, барајте понатаму.

Текстот е општ водич и не е правен совет. За конкретна зграда, побарајте преглед.